أ- أبدأ بسم الله الرحمان الرحيم بناء مقالاتي
ب - بداية من هاد النهار، اللي هو
ت - تقريبا كل يوم أربعاء، خميس، جمعة ..لمهم كل
يوم
ث - ثابت
من كل أسبوع
ج - جائز نكون
ح - حبيت هاد موضوع الكتابة، اولا جائز نكون
خ - خايف ! أصلي أنا دابا كما كاتشوفو درت لراسي
امتحان، امتحان حروف !!! لبناي الا بغا اطلَّع فوق الضالة دار ولا صور... كايبدا ببريكة،
البيركة ديالي انا حرف. حرف نبدا بيه هضرتي ونشوف يا ترى لهضار اتخرج عجينة بين يدي
ولا اتخرج سيمة قاسحة ... والا ماخرج حتى واحد من هاد الجوج، يعني لي خاصو اخرج من
موضوع الكتابة هو أنا. ولكن راني كانحاول
د - دابا وصلت لحرف – الذال- حرف صعب تبدا بيه
الهضرا، فمن أجل
ذ - ذالك .. ههـ دوزت أصعب حاجة في الامتحان اللي
هو الحرف اللي فات، وراني داخل على الحرف اللي من بعد
ر - رابعا. على اعتبار أن ما فات كان أولا وثانيا
وثالثا
ز - زوينة هادي كانحاول نجَّح راسي في الامتحان
بزز هههـ أصلا والله الى من هادشي كامل، باغي نكتب ولكن ماعرفتش على آش غادي نكتب
س - سياسة !
ممكن
ش - شمة .. ! ماعرفت
ص - صدق أكيد أكيد
ض - ضروري أنلقا شي
ط - طريق ساهلة تخليني نكتب .. واخا هكاك كانت
ظ - ظان ان موضوع الكتابة شي حاجة سهلة، لكن أنا
ع - على اصرار في الكتابة حتى آخر حرف، رغم خوفي
من بعض الحروف
غ - غموما – أقصد عموما.. ماعليش حسبو ليا هادي
لصعوبة ايجاد كلمة
ف - في بعض الاوقات خاصنا نصبرو على بعضياتنا شويا،
ياك ولالا.. هادوك لي ماقدوش اصبروا قراو غير شويا ومشاو. شنو حسن اضيع وقتك ولا ضيع
نتا ؟ لمهم
ق - قد اقتربت من النهاية، ولم أفقد الامل، لكنني
وجدت أن
ك - كتابة مقال
ل - ليس بالشيء السهل أو البسيط، ربما يكون
م - مستحيل
ن - نقدر دابا نكتب ومانقدرش، بصراحة حاس أني اخدت
قراري، صافي مابقيتش كاتب ! الامتحان صعب.. أصلي أنا ما عارفش
ه - هادشي لي باغي نكتب
و - ولهدا
ي - يؤسفني أن اقول لكم .... بلاتي بلاتي اش هادشي
؟ انا وصلت للحرف الاخير بلا ما نحس ههههـ.. نجحت في الامتحان نجحت هههههـ صافي صافي
أنكتب أنكتب أنكتب
1 التعليقات:
جميل اخـــي يس .. لكن لا مانع لدي لو كنت تكتب باللغة العربية..
وفقك الله ..
إرسال تعليق